ABŞ Yaxın Şərqdəki hərbi qüvvəsini artırmaq məqsədilə regiona əlavə 10 min hərbçi və üçüncü aviadaşıyıcı zərbə qrupu yollayır. Bu barədə “The Wall Street Journal” nəşri məlumat yayıb.
Nəşrin yazdığına görə, Pentaqonun göndərdiyi əlavə qüvvələr noyabrın sonunadək regiona çatmalıdır.
“The Wall Street Journal” onu da bildirir ki, ABŞ Prezidenti Donald Tramp İrana qarşı hərbi zərbələrin yenidən başlanması variantını nəzərdən keçirir. Bu addımın Konqresə aralıq seçkilərdən sonra, noyabr ayında atıla biləcəyi qeyd olunur.
