Vahid Ələkbərov Forbes siyahısında 77-ci yerdə
carci.news
Lukoil headquarters building in Moscow on Turgenevskaya Square
Biznes və investisiya

Vahid Ələkbərov Forbes reytinqində dünya milyarderləri arasında 77-ci yerdədir

Azərbaycan əsilli rusiyalı iş adamı, “Lukoil” şirkətinin qurucusu Vahid Ələkbərov Forbes-un onlayn reytinqində dünyanın ən varlı insanları arasında 77-ci pilləni tutub. 76 yaşlı biznesmenin sərvəti 29,5 milyard dollar səviyyəsində qiymətləndirilib.

Reytinq Forbes tərəfindən 21 noyabr tarixinə əsasən tərtib olunub. Vahid Ələkbərov 1950-ci il sentyabrın 1-də Bakıda dünyaya göz açıb və Azərbaycan Neft və Kimya İnstitutunda, hazırkı adı ilə Azərbaycan Dövlət Neft və Sənaye Universitetində ali təhsil alıb.

O, peşə fəaliyyətinə neft sənayesində başlayıb, daha sonra Sovet İttifaqının neft-qaz qurumlarında rəhbər vəzifələrdə çalışıb. 1991-ci ildə Rusiyada fəaliyyət göstərən üç böyük neft hasilatı müəssisəsini birləşdirərək “Lukoil” şirkətini təsis edib. Bu şirkət sonralar Rusiyanın ən iri müstəqil neft kompaniyalarından birinə çevrilib.

Ələkbərov 1993-cü ildən “Lukoil”in prezidenti kimi fəaliyyət göstərib və bu vəzifəni 2022-ci ilin aprel ayınadək icra edib. Forbes-un məlumatına görə, iş adamının hazırda şirkətdə təxminən 30 faiz payı var.

Foto: Gennady Grachev from Moscow, Russia / Wikimedia Commons, CC BY 2.0

Related posts

Trendyol COP31 sammitində kənd inkişafı və enerji hədəflərini açıqladı

Editor

Bakıda mənzil qiymətləri bütün rayonlarda artıb

Editor

Əczaçılıq məhsullarının istehsalı 60,4 faiz artıb

Editor
IP geolocation by DB-IP