Milli Məclis “Əmək pensiyaları haqqında” qanuna aylıq pensiya əlavəsinin tətbiqini nəzərdə tutan yeni fəsli birinci oxunuşda təsdiqləyib. Əlavə 2026-cı il oktyabrın 1-dən veriləcək.
Sənədə görə, aylıq pensiya əlavəsinin məbləğini müvafiq icra hakimiyyəti orqanının müəyyən etdiyi qurum təyin edəcək. Əlavənin həcmi şəxsə təyin olunmuş pensiyanın növündən asılı olaraq fərqli ola bilər.
Qanunvericilikdə həmçinin bir məhdudiyyət nəzərdə tutulub: əgər şəxsin eyni vaxtda bir neçə növ pensiya əlavəsi almaq hüququ varsa, onun seçiminə əsasən yalnız bunlardan biri təyin ediləcək.
Müvafiq qanun layihəsi Milli Məclisin iclasında səsverməyə çıxarılıb və deputatlar tərəfindən birinci oxunuşda dəstəklənib.
