Azərbaycanlı idmançı Selcan Babayeva Belçikada təşkil olunan kyokuşin karate üzrə qitə birinciliyində 18 yaşadək idmançılar arasında 60 kiloqramdan artıq çəki kateqoriyasında birinci yerə yiyələnib.
Azərbaycan Karate Federasiyasının “Kyokuşin (KAY) SENŞİ karate” üslubu üzrə yığmasını təmsil edən Selcan Babayeva Belçikada keçirilən Avropa çempionatında qızıl medal qazanıb. O, yarış boyunca qarşılaşdığı bütün rəqiblərinə qalib gələrək podiumun zirvəsinə yüksəlib.
Beləliklə, gənc idmançı kyokuşin karate üzrə Avropa çempionu titulunun sahibi olub.
Həmçinin oxuyun: Azərbaycanlı üç gənc boksçu Avropa çempionatının finalına çıxıb | Fərhad Rəcəbli veteranlar arasında 12-ci dəfə Avropa çempionu olub
