Prezident İlham Əliyev sərəncam imzalayaraq Sadiq Əliyevi Azərbaycanın maliyyə nazirinin müavini vəzifəsinə təyin edib. Bununla nazir müavinlərinin ümumi sayı 4-ə çatıb.
Sadiq Əliyev əmək fəaliyyətinə 2005-ci ildən özəl sektorda başlayıb. 2006-2019-cu illərdə Tarif (Qiymət) Şurasının Katibliyində müxtəlif rəhbər vəzifələrdə çalışıb, 2019-cu ildə isə İqtisadiyyat Nazirliyində Tarif siyasəti şöbəsinin müdiri olub.
2019-2024-cü illərdə o, Əmək və Əhalinin Sosial Müdafiəsi Nazirliyində Strateji planlaşdırma və innovasiyalar şöbəsinə rəhbərlik edib. 2024-2026-cı illərdə isə həmin nazirliyin tabeliyindəki Dövlət Məşğulluq Agentliyinin İdarə Heyətinin sədri vəzifəsini icra edib.
8 yanvar 2026-cı ildən Sadiq Əliyev Maliyyə Nazirliyi yanında Dövlət Xəzinədarlıq Agentliyinin direktoru kimi fəaliyyət göstərib. O, həmçinin Ümumdünya Məşğulluq Xidmətləri Assosiasiyasının (WAPES) İdarə Heyətinin üzvüdür.
Yeni təyinatla bağlı prezident sərəncamı ilə Sadiq Əliyevə maliyyə nazirinin müavini vəzifəsi həvalə olunub.
