Misli Premyer Liqasının XII turunda keçiriləcək “Kəpəz” – “Qarabağ” qarşılaşması üçün bir sutkada 8 400 bilet satılıb. Bu, Gəncə şəhər stadionunun tutumunun təxminən 55 faizinə bərabərdir.
Bu barədə Gəncə təmsilçisi məlumat yayıb. Gəncə şəhər stadionu 15 363 tamaşaçı tutumuna malikdir.
“Kəpəz” – “Qarabağ” matçı 22 noyabrda saat 17:00-da başlayacaq.
Cari mövsümdə “Kəpəz”in ev meydanında keçirdiyi görüşlər arasında indiyədək ən çox azarkeş sentyabrın 4-də “Şamaxı” ilə oyunda toplanmışdı – həmin matçı 15 000 nəfər izləmişdi.
