Qəbələdə təlim-məşq toplanışında olan Azərbaycanın U-20 futbol millisi yoldaşlıq oyununda Yaponiyanın eyni yaş qrupundan ibarət komandasını penaltilər seriyasında 5:4 hesabı ilə məğlub edib.
Qəbələ şəhər stadionunda keçirilən qarşılaşmanın əsas vaxtı qolsuz başa çatıb. Hesabın 0:0 bərabər qalması səbəbindən komandaların razılaşması əsasında qalib penaltilər seriyasında müəyyənləşib, burada Azərbaycan futbolçuları daha dəqiq olublar.
Bu, Azərbaycanın 20 yaşadək millisinin Qəbələdəki toplanış çərçivəsində ikinci yoldaşlıq oyunu olub. İlk matçda komanda Moldova yığması ilə üz-üzə gəlib və həmin görüşü 0:1 hesabı ilə uduzmuşdu.
