Azərbaycanın U-15 yığması FİFA Dünya Çempionatı və Festivalı çərçivəsindəki ikinci qarşılaşmasında Andorra komandasını 1:0 hesabı ilə məğlub edib.
Qarşılaşma oktyabrın 25-də Hövsan Yarış Kompleksində keçirilib. Komandamızın yeganə qolunu Həsən Məhmədov vurub.
Oyunu AFFA-nın prezidenti Rövşən Nəcəf və qurumun digər rəhbər şəxsləri stadiondan izləyib. Qələbədən sonra AFFA rəhbərliyi futbolçuları təbrik edib.
Bundan əvvəl Azərbaycan U-15 yığması turnirin ilk turunda Timor-Leste komandasını 6:0 hesabı ilə məğlub etmişdi. Komandamız iki oyundan sonra məğlubiyyətsiz qalmaqdadır.
Millimiz turnirdəki növbəti qarşılaşmasını Avstraliya yığması ilə Hövsan Yarış Kompleksində keçirəcək.
