Ayxan Abbasovun rəhbərlik etdiyi Azərbaycan futbol millisi FIFA-nın yeni reytinq cədvəlində üç pillə yüksələrək 124-cü yerə qalxıb.
Milli komandanın hesabında hazırda 1145,18 xal var. Yüksəliş son oyunlardakı qələbələrin ardınca qeydə alınıb.
Azərbaycan yığması UEFA Millətlər Liqası çərçivəsində Lixtenşteynlə görüşdə 1:0 hesablı qələbə qazanıb. Bundan əlavə, beynəlxalq yoldaşlıq matçında Andorra üzərində 3:1 hesabı ilə üstünlük əldə edib.
Yenilənmiş siyahıda ilk pilləni 2004,48 xalla İspaniya yığması tutub. Argentina 1966,13 xalla ikinci, Fransa isə 1950,82 xalla üçüncü sırada qərarlaşıb.
