Dünyanın ən iri müstəqil neft treyderlərindən olan “Vitol Group”un baş icraçı direktoru Rassel Hardi Yaxın Şərqdəki müharibənin fonunda Avropa ölkələrinin neft ehtiyatlarının azaldığını bildirib. O deyib ki, qış mövsümü yaxınlaşdıqca yanacaq bazarlarındakı təzyiq daha da artacaq.
Rassel Hardinin sözlərinə görə, Qərb ölkələrində istifadəyə yararlı əlavə ehtiyat demək olar ki, qalmayıb, mövcud olanlar isə artıq tükənmə həddindədir. O əlavə edib ki, yanacaq bazarında müşahidə olunan sıxlıq qışın sonunadək davam edəcək.
“Vitol Group”un rəhbəri həmçinin G7 ölkələrinin birgə şəkildə neft və dizel ehtiyatlarından 100 milyon barel həcmində istifadə edəcəyi barədə yayılan açıqlamaya da toxunub. Onun sözlərinə görə, bu məlumatın təfərrüatları hələ tam aydınlıq daşımır.
Hardi bildirib ki, vəziyyətin əsas səbəbi Yaxın Şərqdə davam edən hərbi münaqişədir, bu da qlobal neft tədarükü zəncirinə birbaşa təsir göstərir. Nəticədə Avropa bazarlarında qış ərəfəsində yanacaq ehtiyatlarının bərpası çətinləşib.
Həmçinin oxuyun: G7 ölkələri enerji bazarı üçün 100 milyon barel ehtiyat buraxacaq
