Azərbaycan Respublikası Dövlət Neft Fondu 2026-cı ilin oktyabrın 15-nə qədər dövlətin mənfəət payına aid neft-qaz satışından təqribən 4,6 milyard ABŞ dolları həcmində xalis vəsait toplayıb. Bu rəqəm illik proqnozun 91 faizinə bərabərdir.
ARDNF-in təqdim etdiyi məlumata əsasən, 2026-cı il ərzində dövlətin mənfəət payına aid karbohidrogen ehtiyatlarının satışından 5,03 milyard ABŞ dolları (8,55 milyard manat) məbləğində xalis vəsaitin toplanması nəzərdə tutulmuşdu. Oktyabrın 15-dək əldə olunan 4,6 milyard dollarlıq gəlir manatla ifadədə təqribən 7,8 milyard təşkil edir.
Qurumun açıqlamasına görə, bu göstəricinin formalaşmasında real bazar satış qiymətləri nəzərə alınır, əlavə olaraq satışla bağlı yaranan xərclər də çıxıldıqdan sonra son xalis gəlir müəyyənləşdirilir.
Həmin rəqəmlər barədə açıqlama ARDNF tərəfindən jurnalist sorğusuna cavab şəklində verilib.
