Azərbaycan Dəmir Yolları QSC sərnişin daşımalarının coğrafiyasını addım-addım genişləndirir. Qurumun açıqlamasına görə, 2030-cu ilə qədər Yalama, Mincivan və Astara istiqamətlərində hərəkət yenidən başlayacaq, Bakı–Xankəndi–Bakı marşrutu isə gələn il sərnişinlərə açılacaq.
Azərbaycan Dəmir Yolları (ADY) QSC sərnişin marşrutlarını mərhələlərlə genişləndirir. Qurumun açıqladığına görə, Yalama, Mincivan və Astara istiqamətlərində sərnişin qatarlarının hərəkəti tədricən bərpa olunacaq, Bakı–Xankəndi–Bakı marşrutu isə gələn il istifadəyə veriləcək.
Paralel olaraq, Bakı şəhərində və onun ətrafındakı nəqliyyat şəbəkəsinin yaxşılaşdırılmasına yönəlmiş 2025–2030-cu illər üçün hazırlanmış Dövlət Proqramı çərçivəsində dəmiryolu layihələri də icra olunur.
Paytaxtyanı xətlərdə bərpa işləri nəzərdə tutulur
Həmin proqrama əsasən, Bakı yaxınlığındakı dəmiryolu infrastrukturunun müasirləşdirilməsi üçün bir sıra xətlərin bərpası planlaşdırılıb: Yeni Suraxanı ilə Hövsan arasında, Bakıxanov–Binə–Qala istiqamətində, Zabrat–Maştağa–Bağlar istiqamətində, habelə Qaradağ ilə Güzdək arasında.
Bundan başqa, qeyd olunan xətlər üzərindəki mövcud stansiyaların təmiri və yeni stansiyaların tikintisi də nəzərdə tutulub.
