“Azərbaycan Hava Yolları” QSC-yə (AZAL) gələn il dövlət xəzinəsindən 7,1 milyon manat vəsait yönəldiləcək. Göstərici cari ilin rəqəmini 1,2 milyon manat, yəni 19,5 faiz üstələyir.
AZAL büdcə vəsaiti barədə rəqəmlər Azərbaycan Respublikasının 2027-ci il dövlət büdcəsi layihəsinə dair sənəddə öz əksini tapıb. Həmin sənəd Milli Məclisin İqtisadi siyasət, sənaye və sahibkarlıq komitəsinin müzakirəsinə təqdim olunub.
Nəzərdə tutulan məbləğ 2026-cı ildəki göstəricidən 1,2 milyon manat çoxdur ki, bu da faiz ifadəsində 19,5 faizlik artım deməkdir.
Ayrılan vəsaitin bir hissəsi Naxçıvan Muxtar Respublikası istiqamətində icra olunan aviareyslərin xərclərinin örtülməsinə sərf ediləcək.
Qalan hissə isə Böyük Vətən müharibəsinin əlilləri, döyüş iştirakçıları və onlarla bərabər statusa malik şəxslərin Müstəqil Dövlətlər Birliyi məkanına səyahət zamanı istifadə etdiyi nəqliyyat güzəştlərindən yaranan AZAL-ın maliyyə itkisinin əvəzini çıxarmağa yönələcək.
Həmçinin oxuyun: Milli Məclis Səbinə Əliyevanı yenidən ombudsman seçib
