Bu ilin yanvar-iyun aylarında Azərbaycanda xarici mənbələrdən əsas kapitala yönəldilmiş investisiyalar 2,4 milyard manat olub ki, bu da ötən ilin eyni dövrü ilə müqayisədə 18,2 faiz çoxdur.
Məlumat Azərbaycan Respublikasının Mərkəzi Bankının (AMB) yarımillik “Pul Siyasəti İcmalı”nda yer alıb. Sənədə görə, xarici mənbələrdən əsas kapitala qoyulan investisiya həcmi ümumi investisiyaların 25,8 faizini təşkil edib, bu göstərici bir il əvvəlkindən 1 faiz bəndi yüksəkdir.
İcmalda bildirilir ki, cari ilin ilk yarısında ölkədə əsas kapitala ümumilikdə 9 milyard 295,2 milyon manat vəsait yönəldilib. Real ifadədə bu, keçən ilin müvafiq dövrü ilə müqayisədə 13,8 faiz artım deməkdir.
Sektorlar üzrə baxıldıqda, son 1 ildə neft-qaz sahəsinə qoyulan investisiyalar 34,3 faiz artaraq 3 milyard 163,6 milyon manata çatıb. Qeyri-neft-qaz sektoruna yönəldilən vəsait isə 5,5 faiz artımla 6 milyard 131,6 milyon manat olub.
