UEFA Millətlər Liqasında Azərbaycan millisi Bakıda Litva yığması ilə qarşılaşıb və 1:0 hesabı ilə qalib gəlib. Bu, komandanın cari mövsümdəki ilk qələbəsidir.
Baş məşqçi Ayxan Abbasovun rəhbərlik etdiyi milli komanda ev şəraitində çıxış edib. Görüş 8-ci km stadionunda baş tutub.
Yeganə qolu 25-ci dəqiqədə Abdulla Xaybulayev vurub. Milli komanda hesabı açdıqdan sonra fasiləyə də, oyunun sonuna da üstünlüklə yollanıb.
Qarşılaşmaya portuqaliyalı FIFA referisi Qustavo Korreyada rəhbərlik edib. Oyun D liqasının 2-ci qrupu çərçivəsində keçirilib.
Bu nəticədən sonra Azərbaycan millisi qrupda 2 xalla ikinci pillədə qərarlaşıb. Litva 4 xalla liderliyi qoruyur, Lixtenşteyn isə 1 xalla sonuncu sırada yer alır.
Qrupdakı son oyununu Azərbaycan millisi noyabrın 13-də səfərdə Lixtenşteynə qarşı keçirəcək.
