Azərbaycanlı gimnastlar Selcan Mahsudova və Maqsud Mahsudov Almaniyanın Kotbus şəhərində təşkil olunan batut gimnastikası üzrə Dünya kubokunda qarışıq sinxron proqramda birinci yeri tutaraq qızıl medal qazanıblar.
Azərbaycan Gimnastika Federasiyasının yaydığı açıqlamaya əsasən, Selcan Mahsudova və Maqsud Mahsudovdan ibarət cütlük qarışıq sinxron proqram üzrə 51,510 xal toplayaraq yarışda ən yüksək nəticəni göstərib və qızıl medala sahib çıxıb.
Beləliklə, Azərbaycan yığması Kotbusda keçirilən bu nüfuzlu turnirdə daha bir qızıl medal qazanmış oldu. Bu nəticə ölkə gimnastlarının batut gimnastikası üzrə Dünya kubokundakı uğurlu çıxışlarının davamı sayılır.
Həmçinin oxuyun: Azərbaycan batut gimnastları İtaliyada 5 qızıl medal qazanıb
