ABŞ-ın Las-Veqas şəhərində keçirilən U-23 dünya çempionatında Azərbaycan sərbəst güləş üzrə daha iki bürünc medal qazanıb. Mükafatlara Anar Cəfərli (92 kq) və Xetaq Karsanov (125 kq) sahib olub.
Üçüncü yer uğrunda görüşlərdə Anar Cəfərli italiyalı rəqibi Qabriele Nikkolinini 10:0 hesabı ilə üstələyərək heç bir xal buraxmadan qalib gəlib. 125 kiloqram çəki dərəcəsində çıxış edən Xetaq Karsanov isə rusiyalı Andrey Bestayevə qarşı 8:1 hesablı qələbə qazanıb.
Bu nəticələrlə Las-Veqasdakı U-23 dünya çempionatında Azərbaycan güləşçilərinin medal sayı artıb. Əvvəlki günlərdə yunan-Roma üslubunda çıxış edən Elmir Əliyev (60 kq) gümüş, Ruslan Nurullayev (77 kq) isə bürünc medal qazanmışdı.
Qadınlar arasında Günay Qurbanova (59 kq) isə yarışı gümüş medalla başa vurub.
Həmçinin oxuyun: Nurullayev 77 kq-da U-23 dünya çempionatının bürünc medalçısı olub | Günay Qurbanova U-23 dünya çempionatının finalına yüksəlib
